Da su chelu chi minetat
in sa peus temporada
unu raju nde prenetat
de lurnera indeorada.
Sas castanzas in atunzu
si ch'ingroghin manu manu:
da chi colat su deunzu
torran bias in beranu.
A furchizos su trainu
ponet passos a ispantu:
semus che-i su terrinu
bajulamus totu cantu. Tando drommi e no t'ispantes ne de mele ne de lua:
cun virtude l'agguantes
su chi b'est in luna tua.
| Ninna, ninna e bisu jaru
in sos sònnios carignes:
prò sas fozas de su laru
contivizes e dissignes. Sas peràulas ladinas
de lumeras virtudosas:
no t'ispanten sas ispinas
da chi ses boddende rosas. Una rosa si disizat
cand'est bellu su fiore:
cussa rosa no s'allizat
si l'infundes de lentore. |
