Bos contamus paristòrìas de sos jajos e bisajos.
Sun contados e ammajos d'istajones antigòrias.
Sun beranos e istios
chi si ch'andan a murrunzos
sun ierros e atunzos
chi onz'annu torran bios.
Dae sas nèulas tèbias
uè sas fadas passizan
e isperan e disizan
istajones pius lèbias
una 'oghe mi nde 'atit
unu cantigu 'e dolu:
barriadu 'e disconsolu
a orijas mi nd'imbatit
| che murmutu 'e unu riu
in seranos chene luna:
chie cantat paret una
chi atitat unu 'iu.
Sos ch'iscultan si nde sinnan si dismajan e s'infritan
ca sos bios no s'atitan s'acasazan e si ninnan.
Sas cantones a disora
no istrinan bonaura:
sunu fizas d'amargura
de sa jana filadora.
|
